Ағылшын тілі пәнінің мұғалімі Шарифхаан Жұлдыз өткізіліп жатқан апталық аясында 1 «А» сыныбында «Fanny English» тақырыбында сыныптан тыс ашық сабақ өткізді.

          Қызылжар орта мектебінің ағылшын тілі пәнінің мұғалімі Шарифхаан Жұлдыз өткізіліп жатқан апталық аясында 1 «А» сыныбында «Fanny English» тақырыбында сыныптан тыс ашық сабақ өткізді. Сабақ барысында оқушыларға арналған түрлі тапсырмаларды ертегілер кейіпкерлері арқылы беріп, қызықты етіп өткізді. Айталық Маша оқушыларға отбасы мүшелерін ағылшын тілінде айтуға арналған суреттермен жұмыс жүргізсе, Көбелек мектеп құралдарын ағылшын тілінде айтып сол заттарды оған берулерін сұрады, ал Кішкентай Фея балық аулау әдісі арқылы сиқырлы таяқшамен сандарды алып ағылшын тілінде айтып берулерін өтінді, Қоян қимыл қозғалыстарымен түрлі аңдарды көрсетіп оларды ағылшынша айтуды тапсырды, Клоун болса өзінің қағаздарға жазып алған сөздерін қазақша айтып ағылшын тілінде аударма жасап берулерін сұрады. Жалпы сабақ өте тартымды өтіп, оқушылардың сөздік қорлары мен білімдерінің жоғары екендігі аңғарылды.