«Өзін- өзі тану: Сүйіспеншілік пен Шығармашылық педагогикасы» онкүндігі аясында кітапханашы «Өзін- өзі тану» бұрышын жасады.

     Жаңатұрмыс ауылының жалпы орта білім беретін мектебінде «Өзін- өзі тану: Сүйіспеншілік пен Шығармашылық педагогикасы» онкүндігі аясында кітапханашы «Өзін- өзі тану» бұрышын жасады.  «Өзін-өзі тану» пәнінің алатын орны ерекше.

  Қазіргі кезде өсіп келе жатқан ұрпақты тәрбиелеуде қойған мақсаттардың бірі қоғамға пайдалы, үлкенге құрмет көрсетіп, кішіге қамқор бола білетін, жан-жақты дамыған тұлғаны қалыптастыру. Осы мақсатты жүзеге асыруда «Бөбек» қорының президенті Сара Алпысқызы «Өзін-өзі тану» рухани-адамгершілік білім берудің басты идеясын ұсынды.
Еліміздің туын асқақтатар, білім, білікті, жан-жақты дамыған, адамгершілігі мол, тәрбиелі, әділ, инабатты, өнегелі ұрпақ тәрбилеу біздің алдымызда тұрған ең басты міндет. Осы мақсатта өркениетке ұмтылып отырған мемлекетіміздің даму болашағының негізі ретінде қажеттілігін айқындай түсетін, жеке тұлғаның үйлесімді дамуына мүмкіндік беретін білім ордасының жоғары ізгілік мұраттардың ең құндысы, рухани-адамгершілік тәрбие берудің ошағы «Өзін-өзі тану» пәні.